LOOJ MEM ZOO
-
Xws li yog yus hlub niam hlub txiv, hwm niam hwm txiv, txawm leej niam leej txiv yuav laus thiab qias tsw npaum li cas los, nkawv yog tus yug yus los ua neeg, muab roj muab ntshav, muab siav muab zog puab yus thiaj li xeeb ciaj ua neeg tsheej xeeb tsheej zeej, zoo nqaij zoo tawv, muaj dag muaj zog, nkawv tu yus thaum mos liab los yam khwv kawg nkaus li, nkawv ntshai tej me tub me nyuam tshaib nqhis, thiaj li ua kab ua noog cawm loj hlob tiav niam tiav txiv tag, muab txij muab nkawm muab nyab muab vauv rau txhua, zaum no lau nkawv laus lawm tiag, yus yuav tau los pab tej laus khwv noj khwv hauv, pab tej niam tej txiv kom lawv tau so thiab, yuav tau pauj tus txiaj ntsig kom tsim nyog leej niam leej txiv hlub yus, yog koj / nej leej twg ua tau li nov mas, yog ib qho looj mem zoo # 1 hauv ntiaj teb no.
-
Yog thaum tej laus xaus zim txwv lawm, yus ua tub ua kiv yuav tau coj tus laus lub cev coj mus zais, yuav tsum tau mus nrhiav qhov chaw kom zoo, toj roob thiab dej av kom zoo, thaum tso tus laus lub cev zwm nyab maij rau lawm, nws tej nqaij tawv yuav nyob mus txhiab vam xyoo tsis lwj, yog li tus laus mus tau zoo hauv yeeb ceeb lawm, nws noj tsis tag siv tsis txhua lawm, nws thiaj li nqa koob nqa hmoov los rau tej tub ki, uyob ua rau tej tub ki lub siab, kom tij mus kawm ntaub kawm ntawv, kom kwv mus ua lag ua luam, yog li tus laus yuav nyob nraim saum ntuj saib yus, ua yam twg twb tau raws siab xav siab ntshaw, qhov nov yog looj mem zoo # 2 hauv ntiaj teb no.
LOOJ MEM PHEM
-
Xws li muaj tej tug tub ki mas thaum tej laus yuav tau nyab rau nws lawm, nws thiab tus nyab tseem tig qias leej niam leej txiv thiab, tseem cais vaj cais tsev, cais noj cais haus, yog li ua rau tus laus tu siab tsis muaj chaw vam, xav ntsoov txog tej kev uas tej niam tej txiv tu thaum liab ntsha tsuas, ua kab ua noog cawm kom loj hlob seb puas tsim txiaj, puas muaj tus yuav los hlub tej laus no, tiam sis tseem ua rau tej laus tu siab, qhov nov yog looj mem phem # 1 hauv ntiaj teb no.
-
Xws li thaum tej niam tej txiv nruam sim ntawd, nws tsis ntseeg leej twg hais li, lam tau lam coj mus log ua dog ua dig rau ntawm tej, qhov nov ces txhais tias yog coj mus pov tseg xwb, thaum coj tus laus lub cev ntaj ntsug mus nkab maij lis nkaus rau lub mus phem chaw lawm, nws lub ces yuav lwj ua rau kab ntsaum tuaj noj tuaj xwv, muab nqaij txha kwv tag lawm, thaum no lau tej laus ho tsis tau zo nyob hauv yeeb ceeb, tej kab ntsaum muab kwv ua yaj ua yeeb, tus nrhiav tsis tau chaw nyob yam li nyob tej nyuam tsev pheeb suab xwb, yog li tus laus tus ntsuj kav lub cev yuav rov los ua mob ua ntsaj, ua rau tej tub ki tom qab muaj ploj muaj tuag tsis tau zoo nyob, qhov nov yog looj mem phem # 2 hauv ntiaj teb nov.
- https://www.facebook.com/yajvaskeeb/videos/2034404286820412/
LoojMem 
Kab ntsab os kwv, cov sob lus koj tau qhia los nov, mas tseem ceeb heev rau peb txoj kev ua neej nyob nawb. Ua koj tsaug uas koj teem cov sob nov qhia rau sawv daws kom paub thim xav hlub tej laus.
peb haiv hmoob m,am li siv zos ua kom tau qhov zoo os tij laus !
kuv ma komtau koj covkoob hmoov loojmem no kawg nws zoo heev li os tijlaug
muaj tseeb li uas koj tau hais los ntawv os tus npoj yaig kwv luag peb ua neej nyob ces yog yus ua zoo ces 1 tug hais zoo 10 leej hais zoo ces yus zoo mus raws lawv tej lus xwb hos yog yus ua phem ces 1 tug hais phem 10 leej hais phem ces yus phem xwb os peb ua neeg nyob yeej kawg qhov ua zoo nawb..
Nyob os, Yaj Vas
Kuv muaj ib nqe lus noog txog cov looj mem qua ntxa nyob rau hauv Fresno.
Yog li cov hmoob uas muab tej laus coj mus log rau tim belmont nyob rau hauv fresno ze rau tim txoj kev freeway 99 ne,
cov chaw ntawv puas yuav zoo thiab os tus xib fwb los sis tus tij laug…? Vim teb chawv no, luag muaj txoj cai coj los mus
cwj peb txog txoj kev coj tej laus coj mus zais, yog li ntawv peb yuav tso tsis tau rau tej qhov chaw peb xav coj mus tso ne.
Sau npe, Ntuj Tsim
Nyob zoo os phooj ywg Nuj tsim.
Hais txpg hauv Fresno lub cemetery nyob tim Belmont ntawd, kev zoo kev phem ntawd kuv qhia tsis tau rau koj, vim tias muaj coob leej uas yog hmoob tso tas rau tid lawm.
1. Yuav hais tias phem tsis zoo no los hais tsis tau, vim 1 txhia nom tswv hmoob twb coj mus tso rau tid tas lawm, tsam ho tub qaug lawv thiab.
2. Yuav hais tias zoo no los hais tsis tau, vim yeej tsis tshua zoo tiag thiab ne.
Cia rau s/d xav xwb thiab tsa muag saib thoob plaws USA nov cov neeg suav lawv tso li cas, ces mus nrhiav kom tau cov zoo li ntawd xwb mas, thiab ncig kom txhua hauv California nov kom txhua, yeej tseem muaj tej chaw cog tsawb zoo zoo os nawb….
3. Hmoob USA puas muaj lub zeem muag tias mus yuav 1 thaj chaw kom zoo los cog hmoob cov tsawb?
xwb fwb yaj vam koj hais yog lawm peb cov hmoob yuav tsum muaj lub zeem muag txog qhov koj hais
ntawm ko mas peb cov hmoob thiaj li yuav vam meej li luag lwm haiv neeg tau
nyob zoo phooj ywg yaj vas keeb, kuv thov nug tias yog yus muaj nyiaj yuav tau thaj av ntawd lawm, muaj 1 tug laus qaug kiag lawm ne, yus puas muaj cai coj tus laus mus tso rau thiab (me kas puas kam yus coj mus tso ?), nyob li teb chaw nplog mas yog koj muaj nyiaj yuav tau thaj av lawm, txawm nyob hauv zos qhov twg los xij puav leej muaj cai tso tau tag nrho tsi muaj leej twg hais tau koj li vim thaj av yus yuav lawm, teb chaw ko ua puas tau li no thiab?
Teb chaws Meskas mas, txawm yog koj li av lawm los koj yuav tau ua ntaub ntawv thov luag nom tswv ces yeej tau kawg, hos yog Lostsuas teb ces cia coj mus tso xwb, yog tias yog yus li av lawm.
Zoo heev li os xf aw….kv yuav hlub kv 2 tug laus tshajli os.tab sis yg yus hlub2 tab sis lawv laus tem toob lm es lawv hov cem tau yus me ntsis no puas khaum 6 yus os xf